演路人甲乙丙、主持兒童節目後,李天翔逢戲必奸,“幾乎姦遍全台的女藝員!”終於在《解決師》中演太子了,“二十年來,我最喜歡的角色。”歷盡“姦辛”的李天翔,卻拜拜無線了!

    

李天翔藝術生涯走上成魔之路,只因鍾意做奸角多些:“只要唔講粗口、可以出街的反派,都可以盡情發揮,姦淫擄掠都演過。”李天翔講得津津有味,“最奸應該係演《金石良緣》,係我演反派以來最癲嘅一套。”

    

被封無線“御用強姦犯”,“我冇抗拒,反而多謝粉絲和網民,如果唔係演技成功,我唔會有呢個綽號。好彩現在的觀眾眼睛係雪亮的,不似以前年代,出街都被人罵,哈哈哈。”

    

從路人甲乙丙、強姦專業戶,到《解決師》演太子,“這個角色有爹哋、媽咪、有阿妹、又有感情線,好人性化的反派,我好多謝監製劉家豪先生。”回眸老巢,含笑依依,“許多人以為我有後路,我眞係裸辭,驚架!合約係五月完結,呆坐家中幾個月,電話都冇響過。呢個眞空期,我一早預咗,嘗試到沒有公司在後面那種飄泊滋味。”

    

成功與未成功的大男人,都有個成功老婆在背後。裸辭的李天翔,有位新婚兩年的太太,據說係富家女。“我太太現在自己開IT公司,我唔知佢有幾多錢,因為我哋財政獨立。”李天翔直言,“決定離開TVB,係太太的意思。”太太即係Big Boss?“係架,因為我好懶,數字嘅嘢,蠢得好緊要。”李天翔自我爆料,“所以傾合作,價錢嘅嘢全部交晒畀太太。夫妻相處咁耐,佢好了解我呢行,所以乜嘢都問佢。”

    

劇中專演欺侮女人的“殺手”,家中卻對太太俯首貼耳,言聽計從,李天翔說:“我人生無悔識到佢”。

    

來源:澳門日報