楊怡四十歲生辰,羅仲謙在尖沙咀拍外景,途人“集郵”來者不拒,笑對記者說:“係咪恭喜我開工大吉?都話唔係有咗咯,你信我啦,佢每個月都Keep住有Check(月事正常),明就得啦。”依時收工,“人肉速遞”給老婆作生日禮物。

    

大半年來,楊怡深居簡出,被老公收埋養生。最近,有人多次目擊楊怡出入有“生仔聖手”之稱的名醫診所,因而又傳出喜訊。

    

回巢趕拍TVB新劇《木棘證人》的謙謙,沒有否認老婆睇名醫求子:“我從來冇懷疑自己能力。兩公婆都有做婚前檢查,身體健康,好正常。老婆係有Keep住睇婦科,加埋中藥調理身體。”三十五歲的謙謙表示自己精力旺盛,健康正常,生仔無難度。至於人工受孕?“目前未去諗”。

    

羅仲謙在新劇演便衣警察,到尖沙咀拍外景,穿厚身長袖運動外套“喪跑”期間,隱約可見四十一吋“最強胸肌”;精力過人的羅仲謙,跑完又跑,成身汗無大喘氣,不用埋位時,除下外套吹風扇散熱,但見手瓜起月展,難怪自誇體力好。

    

返香港拍戲,歷時三個月,謙謙說:“當然好,日頭片場開工,夜晩家中開工,可以多陪老婆。”為TVB拍劇,最想與哪個女藝員合作?謙謙衝口而出:楊怡!

    

為何不向公司表白?“佢哋話,冇人想睇兩公婆拍電視劇。”謙謙也有收料的:“有人話,兩公婆拍電視劇,多數鬧交收場。我唔信邪,好想同楊怡演敵對角色。(為何想兩公婆演仇家呢?)我諗冇人想睇恩愛啩,頂你哋唔順啦。睇吓咩題材啦,《我家有一隻河東獅》就OK。”說畢,立即隔空向楊怡求饒:“只是個玩笑。”他還透露,內地流行的“眞人騷”,有兒有女的才較歡迎,所以今年加碼努力造人。(姐弟戀 · 兒女情:二之一)

    

來源:澳門日報