《牛下》的中佬鄭敬基,十年前在劇中已叫羅冠蘭做契媽了。“那一剎,眞想喊。”羅冠蘭說,電視世界裡,多演阿媽角色;現實生活中,縱橫影視劇藝術界,愛情呢?“莫說有兒有女了,婚未結,拖也未好好拍過。”六十三歲羅冠蘭悵然說。

    

抱獨身主義?“唔係抱!”係咪客觀條件被迫?“我都唔知。只係每一日過自己覺得舒服同埋有意思的生活……多一個人作伴,會點呢?冇發生過噃,想像唔到。是否刻意逃避?好似諗過,唔記得咯。”

    

單身多久?“從來都單身,其實我愛情生活好貧乏。”窈窕淑女,必有君子好逑。羅冠蘭終吐露情史:“都拍過一、兩次拖,講認真的,但那段時間太忙……”

    

對上一段感情是很久以前的事了,回想起來,仍覺受害太深。“其實,我可以令自己不受傷的,我唔識處理囉。(對方有第三者?)係。”羅冠蘭痛定不思痛,卻說當年瘀:“對方亂講嘢,搞到情況有些複雜,好彩,都過咗去。之後,佢又聯絡我,好迷惘……我唔識處理,遺憾這件事完結得不美麗。”

    

情為何物,羅冠蘭最親也影響最深的是外婆!“外公另有新歡,外婆一直活得不快樂。”外婆有句話,羅冠蘭畢生難忘,無論別人如何對你,寧人負我,毋我負人。“佢唔係教我啲乜,只係對某一件事的講法。我好掛住婆婆,Sorry!”面對記者,羅冠蘭不禁熱淚盈眶。

    

好羨慕別人話“青春無悔”。“如果問我,人生有冇遺憾,我會話你聽:有!”羅冠蘭直言:“我對人生有悔。”或者咁講——人生對我有些虧欠,但係,我對生命的虧欠更多。“整個人生,我覺得可以活得好些,或者有些部分要求高咗一些。”做人豈不好辛苦?“辛苦口架!”

    

來源:澳門日報