“每次接到謝賢電話,好驚,手都震!”金牌紅粉監製梅小青,得四哥助陣《法證先鋒 4》,是否特別優待?“怕他曳曳,一聲話唔拍,不知如何是好?”謝賢攬着小青姐香肩,“下個劇集驚你搵我咋。”小青姐怔住,哭不得,笑無從。

    

梅小青冒着生命危險,趕拍《法4》的。兩年前她患腦血管栓塞,仍“絞盡腦汁”完成這劇集。小青姐五月退休,劇集提早二月播映,“無憾矣!”

    

似是“同病”相憐,卻非“同病”——“八十三歲謝賢血液黏如粥,深夜腦梗離世……”四個月前,台灣報紙大字標題誤傳死訊。四哥回應:“我現在正忙,Bye Bye。”

    

“四哥是我的偶像,見到他要立正的。入行四十年的梅小青,《法證先鋒4》是其告別作。“我做緊《深宮計》時,耳仔聽到啪啪聲,醫生話我聽力好;聽到心跳聲,原來啲血衝唔到上腦,轉角位血管斷了,得返一絲絲連住。拍完劇集即做手術,並計劃退休,所以好珍惜最後合作。”

    

四哥謝賢單騎深入電視城,談笑疫情,坦言沒有儲存太多口罩,“皆因我很少外出,也甚少去人多地方……”

    

兒子謝霆鋒有否為老父準備防疫物資?“我同佢唔熟,好耐冇見面啦,哈哈。佢四圍走,我都唔知佢去咗邊……最近,有消息,話佢在內地工作返唔到香港,上唔到飛機。(好擔心?)唔擔心,佢大個仔;我想佢擔心我——不過,我不怕菌,啲菌驚我呀,行到埋來,一手拍甩佢。”四哥面臨疫情有靜氣,敢問多少人學到?提到前妻拉姑好驚受感染,被發現出街戴兩個口罩?四哥搞笑說:“佢乜都驚,佢見我都驚啦。”

    

梅小青去年腦部手術後,鬼門關走了一轉,兒子下令立即退休。“重返TVB,完成《宮心計之深宮計》、《法證先鋒4》,已感心滿意足。離開呢個崗位,好唔捨得。但是時候過一些自己想過的生活,例如做義工,湊一對孫享受弄孫樂。“花開花落自有時”,謹祝電視先鋒小青姐生活愉快!

    

來源:澳門日報