深宮後山,馬國明與黃心穎相擁私語,清風送幽香。三恕對若芊説:“你第一次送梔子花畀我的時候,講過畀我聽點解你鍾意梔子花。所以,我都想話畀你聽,我喜歡啲乜嘢,更多關於我嘅事。”
    
黃心穎非常入戲,熱淚盈眶,摟着箇郎發抖,仿如渾身觸電。馬國明情深款款説:“我好希望以後嘅日子,無論是喜是憂,都同你一齊度過。梔子花除咗代表純潔,仲代表一生保護,永遠相伴,你願唔願意畀我一生保護你?”
    
這段“深宮情”,戲味感人。絕對相信,他倆在現實中也是對戀人,投射劇中,才能如此戲眞情眞。若有傳媒問黃心穎:與馬國明這段情是否有了共識,穩步姻緣路呢?她該如何回應呢?
    
入行六年,心穎與合作過的男藝人幾乎都傳過緋聞,伊人感到不勝其煩;但和馬國明關係明朗化後,心穎的緋聞絕無僅有了,事業也越來越好。榮登女一,又唱主題曲,可覺得馬國明是你的貴人?“一段穩定的感情,可令人更專心工作。”心穎坦言:“加上近年有少少控制權,認為不適合的工作,可以選擇唔做。唔好講到馬明帶挈我,可能經過呢幾年,大家先知道心穎係一個點樣嘅人。”
    
“我依家廿九歲有多,再過半年,都三十歲。”可見黃心穎性格開朗,“我覺得由廿八歲去到廿九歲呢一年間,突然長大好多。廿八歲前我好急躁,哈哈,過咗廿九歲生日,所有事都慢咗落嚟,覺得只需要開心就得。”
    
在心穎心中,三十!乃人生里程碑。“三字頭之前,想做嘅都做到晒,搵到自己喜歡嘅工作、置業、買車。記得當年選港姐係想豐富人生,依家我都做到了。人成熟咗,家人亦安好,所以,毋須太多顧慮。三十,只係一個數目,冇乜嘢好怕。”
    
心穎不太熱切捧獎登視后,但好想好想演到一個好角色,讓觀衆記住。心穎說:“請注意,當我和馬明雙雙面對傳媒時,只有兩個可能:分手!結婚!”。
    
來源:澳門日報