“天上有翔龍,人間有神鳳……”徐小鳳清唱中升上舞台。“三年冇見,以為你哋唔記得我。”全場哄然,讚她好靚。“我梗係知啦,有時我靚到唔敢照鏡,驚照爆鏡……”薑越老會變甜麽?閒話家常,非常正面的“心靈鷄湯”了——高唱後飲水,觀衆再高聲讚靚:小鳳姐眉頭一皺,“咩嚟,苦過我條命。但再苦也是甜嘅。”隨而唱出《無奈》……“人係貪心嘅,掌聲點會嫌多,收到掌聲,比收到支票更高興。”

    

“有了你,頓覺增加風趣,我每日每天都想見你……”突然,小鳳姐悲情地唱“丹尼仔”的首本名曲《有了你》!原來,《金光燦爛2018徐小鳳個唱》首場,正値陳百强的六十歲冥壽。小鳳姐憶述故友,“當年,我在片場同佢等埋位時,佢拉我去一邊,彈琴畀我聽,當時我都唔知佢彈咩,但應該係新作品。”

    

魂牽天上故友,也邀來台灣老友。小鳳姐介紹青山出場:“他發了大財,香港有條青山道,成條街都係佢,又唔見有條小鳳路?”青山以廣東話搭訕:“我仲有間醫院,邊個想去,有八折!”全場哄笑之際,還爆內幕……這對海峽兩岸的歌王、歌后,識於微時,“青山,是令我傷感的人……”小鳳姐自言:“因為,我爹哋、媽咪係你嘅歌迷。仲記得小時候邀請你來我屋企食飯,媽咪會煲湯畀你飮。而我只有月尾先飮到,因為月尾出糧。”

小鳳姐坦言,三十年前已經應承請青山做嘉賓,現在才實現,好似返咗屋企咁溫暖。(佢暗戀你?)大家對大家嘅歌聲都好仰幕……”

    

台灣“急智歌王”張帝則說:“我好衝動又好難過,”因看到了小鳳對青山情深款款,他扮情難自禁說:“我買通導演,用很多錢才能上台的。”

    

亦莊亦諧徐小鳳,有否諗過開棟篤笑?“我得咩?叫我背稿就慘,我係見乜講乜。我今晩都Talk好多……(所以子華神要收山?)佢車大砲,我唔信佢!”

    

來源:澳門日報