“熒幕鐵漢”黃德斌,與圈外女友拍拖十八年,拉埋天窗了。聲言“婚禮從簡”,大丈夫説得出做得到。酒店鷄尾酒會,簽字儀式上,新人冇着禮服和婚紗,穿紅白藍情侶便服,雙方家長和幾位好友見證,埋單五萬港元。

    

點解咁低調?“我一向都係咁!”黃德斌澄清,“我和Joyce拍拖十三年左右,冇十八年咁耐。”如何維繫這段馬拉松感情?“互相遷就、互相信任、互相尊重,呢樣好重要。無論結不結婚,都要互相欣賞!”新婚翌日,黃德斌晨早便開工,未計劃度蜜月;婚禮酒會亦由Joyce負責籌辦。

    

婚禮從簡,但,禮不可失。一對新人有向雙方家長斟茶行大禮。簽字穿便服,婚紗相暫時欠奉;一定會影的——在香港影就得!愛妻肯麼?“現在科技先進,我整到在月球影都得。”如此說,黃德斌比潮人更潮,與年輕十六歲的妻子何來代溝?

    

出席婚禮的只是幾位好友,藝人麥子樂、監製戚其義。傍晚七時離場,麥子樂語傳媒:“冇送禮物給一對新人,因為太熟,一封利市,祝新人百年好合,永結同心。”祝德斌早生貴子?“最緊要白頭到老。識咗新人好多年,他倆一直好恩愛。酒會上朋友們都好開心。”麥子樂也是最近才接到通知,指德斌低調,但適當時候會做適當的事。

    

離開無線已有一段時間,講到許多藝人北上賺人仔,“基本上我想去荷里活,”黃德斌說:“演員好被動,走出來係想空間闊些。”新婚翌日,他去戲院謝票,有份參演的影片,票房突破千萬元,又到電台接收大疊利市封——開始派利市了,好開心!

    

來源:澳門日報