“阿B”鍾鎭濤相隔十年,本月尾在紅館開唱,嘉賓極之另類——素人,即路人。為你上紅館圓夢,不過,要經過鑑別。

    

與衆不同的演唱會環節,叫“要是有緣紅館見”:不限年齡、不限性別,唯一條件是唱得好及從未踏足紅館表演;被選中的人,都可以做阿B演唱會表演嘉賓!

    

“回首溫拿夾Band,遇上給我們機會的人,才可唱到現在。”阿B感言:“過去人哋畀機會我,今日我有能力了,都好想畀返機會後輩。如果你眞心唱得好,就錄製一條帶上網畀我,揀兩個眞係唱得好的,十一月來紅館跟我一齊唱。”

    

目標是街頭演唱者?阿B強調:“唯一條件就係你未去過紅館唱。黃柏高都話呢個活動好,會叫佢旗下新人試吓。”

    

奉太太范姜之命,阿B十月閉關,禁止相約朋友吃喝玩樂:“老婆驚我惹咗感冒回來,開騷不在狀態就唔好。”阿B父女檔今回亦會登場。“細女鍾幗好有表演慾,在家經常與姐姐互鬥才藝。(會否支持女兒入娛樂圈?)無論她們想做甚麼都會支持,但我相信她們不會當歌手。”

    

阿B吹色士風,大獲好評,今回閉關,苦練色士風,準備大鬥恭碩良的鼓技。他聲言少不了溫拿撐場:“我好怕到時候佢哋唱到唔肯落台,紅館超時分分鐘都計錢!”

    

好耐冇玩過色士風,成為阿B今回個唱最大壓力:“現在要練嘴部肌肉,咬唔實會漏氣,咬得耐又會攰,每星期起碼要練十個鐘頭。”阿B最感恩一位幕後黑手:“阿倫今回幫手設計節目流程,仲有好多朋友關心我,呢啲係錢都買唔到的。”

    

阿B講完貴人又講貴人:拍《九星報喜》時,正値低谷時得到接演一角機會,係張國榮暗中介紹的,阿B兩年前才知道。

    

來源:澳門日報