“戲二代”、“富二代”的吳嘉龍,拍拖成熟,結婚不成,因未有樓!其父老戲骨吳耀漢坦言:“佢哋等緊我個仔發達,每個媽咪都想個女搵到個有車有樓嘅。但有嘅話,又未必會揀你個女啦……”

    

“我唔會資助個仔老婆本。”原來吳耀漢是香港影壇的“富一代”。奇妙電視《娛樂巴巴閉》專訪他,“八十年代,我簽德寶,片酬高達一百萬。”吳耀漢笑説:“那時一百萬可以買一棟三層高別墅,我拍一部就買一幢,結果拍咗十一部!”

   

“吳嘉龍好穩陣,富二代嚟喎。”“田鷄”田啟文搭訕笑説:“八十年代的演員,想唔發都難,用枝槍指住,迫你要銀紙。香港年產近三百部電影,不時發生舞刀弄槍去搶演員事件。”鄭裕玲、吳君如分別有“鄭九組”、 “吳君九”之稱。吳耀漢無奈説:“那時代,唔拍即係唔畀面,嘟嘟身不由己。”

    

好戲之人才會被搶。吳耀漢當年亦稱“吳三組”,出身戲劇少林寺的。他拍的第一部喜劇,跟喜劇泰斗差利卓別靈合作。所以吳耀漢的喜劇感與別不同。“跟差利卓別靈合作,係一九六七年,當時,我在英國讀完戲劇,差利剛好自導自演《香港女伯爵》,故事以香港為背景,我有機會參演行行企企的角色。男、女主角係馬龍白蘭度、蘇菲亞羅蘭。”吳耀漢乘機偷師……

    

吳耀漢的經典戲——《五福星》,他在戲中全裸演出,無遮掩坦蕩蕩上陣。問為何不用膠紙遮蔽私處?吳耀漢理由十足地說:“我係演裸戲嘛,如果遮咗,對手畀嘅反應就會有偏差。”

    

吳耀漢心目中“笑匠”,第一個是許冠文,“他對喜劇好有研究。”他也佩服洪金寶的幽默感,“佢最叻拍喜劇,其次動作戲,佢嘅動作喜劇好好睇。”

    

來源:澳門日報