六十八歲的薛家燕在紅館開“處女騷”,最刺激香艷環節—— “丈夫”、情人、朋友三個大男人台上爭寵。

    

家燕與胡楓唱畢《往事只能回味》,再邀黎小田、陳欣健上台,分別唱出《快樂伴侶》、《一心想玉人》;三人興起跳舞,都自認曾經追求過家燕。

    

薛家燕坦言早已芳心暗許,挑選“修哥”胡楓做老公:“因為佢永遠一條心又夠穩重!”誰是情人?薛家燕豪情一指陳欣健:“佢夠型、夠溫柔、口又甜!”全場哄笑,修哥突然問:“咁如果揀花心呢?”“揀剩我!”黎小田扁嘴自告奮勇。“咁你咪做朋友囉。”薛家燕惋惜:“我曾經畀過機會你,但你唔識珍惜。”薛家燕搬三個男人上檯,妙語如珠,疑幻似眞,逗得全場觀衆好開心。

    

原來,薛家燕仍有眞正愛情滋潤的。權威消息來自蕭芳芳,她未能到場,但獻聲支持。芳芳大讚家燕自幼精靈,口齒伶俐,時至今日仍然演藝不停步,既兼顧藝術中心,又識整餅,簡直瓣瓣掂。“佢話每日瞓四個鐘,但都咁豐滿。”芳芳好奇:“佢啲幹勁邊度嚟呢?哈哈,背後有景轟呀!”經不起觀衆起哄迫供,家燕終於承認:“有人關心吓、有人錫吓咁囉。”

    

三個仔女上台,答謝媽媽養育之恩,又感激觀衆一直以來支持,説畢便落台。家燕哽咽道:“有人話這三個小朋友是包袱,對我來説是推動力,令自己做每一分每一秒都覺値得。今次開騷,子女都好支持,大女姍姍亦有份統籌。復出後,由朝做到晩,每日睡四小時,有人問我,你唔辛苦咩? ”薛家燕熱淚盈眶:“我唔係唔知攰,而係唔可以攰,為了自己做個有責任的媽媽!”

   

來源:澳門日報