徐小鳳紅館演唱會風後補場,迎來嘉賓沈祖堯——香港中文大學前校長、醫學界精英;因抗擊“沙士”成功,被譽為“亞洲英雄”。

    

歌壇魅力沒法擋,國際學者也可成為歌星的小粉絲——沈祖堯上台獻花,小鳳姐感謝他成功趕搭飛機返港出席尾場騷:“咦,你點解瘦咗一個圈嘅?”“原因係想念你!”沈祖堯口花花,正欲離場,被小鳳狠狠拉住,嚷着要還人情債:“去年尾,你話要退休,請我去聽你唱我口個首《順流逆流》。點知……你要我合唱!今晩要碌卡,同你合唱,你唯一的飲歌《小李飛刀》!”前大學校長乖乖就範,演唱時表現輕鬆,單手插袋與小鳳姐擊掌,差點踩中她的裙尾。

    

徐小鳳繼之而來的嘉賓也是一位校長,全場有份幫手表演的。林校長笑問小鳳姐:“初次動用百多名小學生,驚唔驚?”“佢哋嘅才華不可埋沒。驚?都係你驚!”徐小鳳氣定神閒說:“原本只係邀請小學生的管絃樂團,後來越請越多,還有合唱團、鼓團,還有一年級的學生當司儀。”徐小鳳一字一頓,“我係貪心,但係冇錯。”

    

林校長鞠躬多謝徐小鳳:“呢班學生自從參加演唱會後,中文好咗,因為你唱的歌詞好靚。呢班學生少睇咗醫生,因為成日笑。同長輩關係好咗,因為成日唱你的歌,零距離。”

    

“唔識中文,眞係唔識唱我的歌。”徐小鳳自誇之後,獲林校長頒予小學畢業證書,以表答謝;“我哋係男校,你係我哋唯一的男校女生!”徐小鳳雀躍:“我畢業啦,好榮幸。”

    

尾場遇上“山竹”,有歌迷抱怨太遲宣佈改期。徐小鳳散場前解釋與任何人無關,一直在開會,好不容易才找到台期補上,已是第一時間宣佈了,全場高叫:原諒!

    

來源:澳門日報