兩個嫩模鼻祖:周秀娜、陳靜(DaDa),不是冤家不聚頭,在《家有囍事2020》演一對“老千姊妹花”。十年後鬥戲,訪問時鬥嘴!

    

片中半裸拍打戲的娜姐對DaDa笑説:“我哋一齊再拍寫眞啦。”DaDa推説該輪到張繼聰去威威了:“他身材弗到漏、爆晒肌!其中一幕幾乎全裸上陣,佢淨係遮咗可以遮嘅地方。嗰場戲我要一路望住佢,好尷尬,面都紅晒。”娜姐機靈接過話題説要出的寫眞係《囍事》劇照。

    

寫眞年代群模突起,鬥生鬥死鬥到碌地。當事人的印象如何?“我冇睇過佢本寫眞!”娜姐貌似不屑:“有睇新聞,當時覺得DaDa塊面咁尖嘅,細過我,我鍾意。”見DaDa苦笑難堪,忙補鑊:“拍《家》片時,見DaDa穿貼身瑜伽衫,我不禁望多兩眼。”娜姐惺惺相惜:“DaDa同我都幾相似,性格好夾、好勤力、仲好傻、好論盡。”DaDa坦言當年有研究娜姐的寫眞集:“覺得佢很聰明,一直希望合作,更幻想過合演閨蜜。”

    

星途相似的性感艷女郎,旣然都好明白對方,傾乜最多?“美容!仲有男仔!”兩人不約而同話覺得張智霖好靚仔、皮膚又好。兩位靚女想必好想有桃花,連人夫都唔放過。“希望繼續單身!”周秀娜慣於吊粉絲胃口:“雖然有人追,但現時專注工作,不過遇到啱嘅人、覺得可以過人世的,咪結囉。”踢爆她有最新緋聞對象余德成,娜姐強調余生是鄰居,又乖又好仔:“世事無絕對,將來的事唔知道。”

    

“我較抗拒圈中人,”DaDa談擇偶條件:“我想透過拍拖接觸多些外面的世界,否則生活圈子和視野都太窄。盼望另一半能包容我的職業及有愛心,我唔排除閃婚,到了三十歲,要開始諗了。”

    

來源:澳門日報