調節心態重新出發  飛往泰國領悟武術精神

 

電影《激戰》有句經典對白:「你行得上台,就唔好,一,你就輸成世!」

勝敗乃兵家常事,本來不值太過恥笑;但作為擂台新人的何志威,那時輸的不是「怯」,而竟是不尊重對手的「態度」。

Attitude is Everything,態度決定一切。何志威在泰拳圈内的名聲,就這樣,有一個不光彩的紀綠。

「態度」,亦不是用嘴巴說了算。

何志威,於是,還原心態的「設定」,先將基本功重新學好。還有正職的他,甚至不惜向公司「請大假」,再自費飛去泰國2星期,為的不是什麽「獨門絶招」,而是「靈修」,那是2013年的事。

「黎明都講『要赢人先要赢自己』~ 人係泰國,先有真正既空間可以反思,我當初為乜學泰拳?」

「每種格鬥術,其實呢,背後都有佢一套好理論化既哲學,泰拳亦吾例外。首先,你要知道,泰國係一個佛教國家,近乎人人信佛。所以你見,泰拳手每次上擂台,都會先跳『拜師舞』,向師傅表示敬意,同時祈求神靈保佑」

「而泰拳所謂既『戰鬥力』,既包括『體力』,亦包括『心力』。即係話,心態係台上,甚至比手腳技法更為關鍵~」

「而泰拳既『心力』培養,係融合左宗教原素。練既方法其實吾複雜,就係『靜坐』… 先集中精神至意貫全身,然後,進入禪定境界。當身體彷彿與神明合二為一,就可以激發身體潛能,從而信心大增~」

「泰拳,係有個講法,叫『鬥敵先鬥心』;『練心』,其實係泰拳一個必修程序」

 

 

 

 

功夫兩個字一橫一直  對的站著錯的倒下?

 

電影《一代宗師》有句經典對白:「功夫,兩個字,一橫一直,錯既瞓低囉,企得番係度果個先岩晒,係咪咁話?」

擂台,從來是英雄地。勝方,赢盡掌聲,名成利就;敗方,連回應一句也未必有機會,因為,可能已經被打至昏迷不醒…

何志威,也有個這樣的經歷,「敗方」被打致送進醫院搶救的經歷。

「我係泰國番黎以後,我對泰拳有新既領悟。其實,每年,都有好多所謂既新『拳皇』誕生,就算今場做左『拳皇』,難保聽日吾會被撃倒。對於天分吾高既我,所以,能夠繼續出賽已經係一份光榮。我認為,享受比賽過程,比起執著結果更有意義性…」

何志威你不是有次出賽,被對手打致左腳嚴重內出血和腦部缺血,之後3個月也在養傷嗎?還聽說你有後遺症…

「咁我始終吾係職業拳手,我本身有正職。所以,我吾係為獎金而出賽。」

「曾經有人建議我,不如轉打『西洋拳』,起碼無咁傷身。」

「今日我想講既係,所謂既『享受過程』,係包括點樣克服難關,而吾係一味逃避。例如,左腳係我大弱點,呢樣野成個圈子都知。而我要做既,係思考可行方案,例如,改為練習打『左庄』,減低左腳成為被攻擊目標既機會。我而家都做緊『衝擊波』治療,雖然過程好痛,又貴,但都係值得既。」

「即係,人生,有一種滿足感,叫『衝破障礙』…」

「我始終認為,拳迷既眼睛係雪亮既。堅持、不放棄、盡全力、同埋有風度,相信比起名銜更有意義,一樣得到尊重同掌聲…」

「屋企人,爸爸媽媽,從來都反對我打拳。我而家最大心願,係得到佢地既真正認同,明白我對泰拳既熱誠,黎一次現場睇我出賽…」

勿忘初衷,打拳,都是為了快樂。何志威的「廢青」拳手生涯,未必有過一場精彩的擂台格鬥,然而,堅持,已經是一套哲學的示範。

只等待,有一天,拳迷真正的認同他 - 一個名叫「何志威」的泰拳手。

 

 

(完)