《黃金有罪》演股壇大鱷的張兆輝,自揭戲外曾是大鱷的點心,損手近千萬元。今回拍攝“鱷魚潭”興風作浪故事,感觸良多。

    

現實中的張兆輝對股票相當抗拒,因有一段不愉快經歷:“八、九十年代,聽朋友畀Number買,仲話贏嘅係我、輸嘅入佢數。第一次已經輸咗七位數字,而且唔只一次;朋友係股票經紀,後來佢被停牌,埋單我輸咗千萬。”

    

冇得責怪別人,只怪自己冇時間去睇。張兆輝奉勸大衆股民:“唔好賭身家,要量力而為;唔好聽到Number就去買,要做功課。”張兆輝透露常聽前輩教路,要投資不要投機:“拍完《黃金有罪》後了解很多,股票太不簡單,往往會在你落最大注時一下就煲起你。對白有講:股票市場係一個殺戮市場,唔係遊樂場。”張兆輝亦唔阻人發達:“想入市,最好搵實力股,有業績、銀行股咁就穩陣嘞。”

    

遇上社會動盪不安,電視業亦受到衝擊,新劇能否救亡收視?張兆輝說“不知道”,但入行三十八年的他,看淡了公司裁員、減製作:“這是定律!我入行至今,都是這個模式。人來人去,可能你留下幾十年,我就來回三、四次了。”

    

《黃金十年》到《黃金有罪》,相隔十年,以股票題材包裝,今回描述泰國華僑榮木桐不惜出賣親友成為巨富。“以前演過的角色較單一,忠就忠、奸就奸。今次角色亦正亦邪,令我過足戲癮。”

    

最難忘的是泰國外景有多場打鬥動作戲,本來有替身試位,“因為趕時間,我和吳岱融都唔惜身,為節省時間親身上陣,打到導演叫停都聽不到,因為環境好嘈。消耗體力很大,好喘氣。哈哈,令我們發覺自己身手仍很好。”

    

來源:澳門日報